Wikipedia:Artikel petingan

Ti Wikipédia, énsiklopédia bébas
Luncat ka: pituduh, paluruh
Ieu béntang ngalambangkeun eusi petingan dina Wikipédia

Artikel petingan téh minangkana mah artikel-artikel Wikipédia anu diana hadé ku para éditor Wikipédia. Saméméh dibéréndélkeun di dieu, sakuduna éta artikel-artikel téh diulas di Wikipedia:Calon artikel petingan, naha eusina geus lengkep, nétral, tur bener, luyu jeung sarat-sarat artikel petingan.

Kétang, aturan kitu téh jaga mun Wikipédia Sunda mutuna geus hadé. Saayeunaeun, bakuna diturunkeun heula saeutik, minangka conto artikel-artikel anu bisa disebut lumayan, sakaligus pangdeudeul ka para Wikipédiawan enggoning nulis di Wikipédia. Saméméh ngaronjat ka pasaratan kawas artikel petingan di Wikipédia lianna, pikeun saheulaanan mah urang perlu milih dua welas artikel (sabulan hiji) pikeun diputer midang di Tepas saban taun.

Béntang leutik tina perunggu (LinkFA-star.png) nu aya di juru luhur beulah katuhu hiji kaca nandakeun yén éta artikel téh minangka artikel petingan.

Artikel petingan munggaran midang bulan April 2007, ku kituna béréndélan nu geus kaeusian di handap téh midang ti bulan April. Méméh bulan éta mah dikosongkeun kénéh.

Artikel petingan
2006 2007
2008 2009
2010 2011
2012 2013
2014 2015
2016 2017
2018 2019
Nurutkeun topik
Usulan

Artikel petingan:

Paguyuban Pasundan (éjahan aslina Pagoejoeban Pasoendan) mangrupakeun organisasi kamasarakatan nu mimiti nanjeur ti tanggal 20 Juli 1913, ngajadikeun organisasi pangheubeulna nu aya kénéh nepi ka kiwari. Salila ngadegna, organisasi ieu ketak dina widang atikan, sosial-budaya, pulitik, ékonomi, kapamudaan, sarta urusan kaistrian. Paguyuban ieu ngupayakeun kamekaran budaya Sunda bari ngalibatkeun lain saukur urang Sunda wungkul tapi saréréa nu boga kameumeut kana budaya Sunda.

Anu jadi kasang tukang diadegkeunana ieu organisasi, dikedalkeun ku Dayat Hidayat, siswa Sunda di STOVIA (School Tot Opleiding voor Indlandsche Artsen) – sakola dokter jaman Walanda di Batavia (Jakarta kiwari), anu boga alpukah sarta mingpin rapat 20 Juli 1913:

"Dupi nu jadi lulugu nyaéta wiréhing ngémutkeun bangsa Sunda kacida pisan katilarna tina bab kamajengan ku bangsa sanés, sumawonten ku bangsa Jawa mah, nu ti kapungkurna ogé parantos tebih pisan nilarna ka urang Sunda, dalah ku urang Malayu nu teu acan sakumaha lamina ngudagna kana kamajengan, ayeuna urang Sunda parantos kénging disebatkeun kaselek..."

Salengkepna...

Pangusulan artikel petingan[édit sumber]

Artikel petingan saméméhna[édit sumber]